上市，係一件好值得分享嘅開心事，奈何礙於監管要求，公司老闆喺公司上市前，只能照住招股書嘅內容講，唔可以暢所欲言。
勁投國際（3682）董事長單偉豹應該深明此理，噚日喺記招上，講得最多就係「呢個唔講得！」但口裏說不，其實都好想講㗎。
好似講到公司派息，佢話「呢個唔講得！」，但係話參照母企路勁（1098）過去每年派息6%至8%水平，相信勁投唔會少過母企。
講到公司未來會收購幾多條公路，佢又話「呢個唔講得！」但轉頭就話，公司有超過20億元現金，每條公路收購價5至10億元，公司要借20、30億好易，估計將來要收購5至6條公路係有可能嘅。
講到收購公路有冇時間表，佢又話「唔講得！」，但估計頭兩年收購步伐會快啲，應該有1至2條。唔講得其實都講得下。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk