胡諾言、陳琪、胡楓及可嵐等，昨日到沙田為一所兒童中醫診所主持開幕儀式。參與《全美一叮》而成為全城焦點的Celine妹妹，其父譚順生亦被揭不少營運手法惹批評，胡諾言強調與對方不熟，但讚Celine妹妹出色。
胡諾言說：「能夠代表香港人去唱歌，自己父母心態當然希望仔女叻，但人哋嘅事唔評論。」陳琪說：「Celine爸爸都有問Jay（大女）想唔想跟佢學唱歌，Jay話自己每星期已經要上學校合唱團，而且我又唔覺得我個女有天份，所以俾佢自己選擇。」
另外，可嵐於4月練習跳彈床時，不慎弄斷左腳十字韌帶及半月板碎裂，可嵐說：「9月要開戲，都怕康復唔切。」
採訪：張俊銘
攝影：陳俊強