落咗幾日雨，終於放晴嘞，唔少市民噚日趁放假，到新界或離島郊遊。元朗新田嘅花田成為一家大細同美少女打卡呃like熱點，而要喺太陽花田中擺post影張靚相，一啲都唔易，自拍神棍當然唔少得，有時都要友人幫忙，先至可以人比花嬌。原來呢塊私人太陽花田背後有個花賤傷農故事，因為連日落雨令向日葵提早開花，新田信芯園農夫梁日信趕唔切收割，就免費開放畀市民觀賞，亦可以自由定價方式購買向日葵。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk