迪比俾曼聯放棄後，加盟里昂重生，睇嚟真係順風順水，佢最近喺美國加州度緊假，上周六仲宣佈向女友Lori Harvey求婚成功。迪比喺ig上載一張自己單膝跪低、Lori雙手掩住面嘅相，寫住︰「佢答應咗！」一睇就知求婚成功啦。至於Lori就喺自己ig話︰「好感恩，我將會同我最好嘅朋友結婚。我應承咗！」之不過，迪比開心多一陣就要收拾心情，準備返里昂備戰新球季，而佢最近一次比賽，係六月幫荷蘭喺世盃外大勝盧森堡5:0。