恒生銀行（011）執行董事馮孝忠（Andrew）仲有差唔多一個星期就退休，呢位財資市場界嘅老行尊，喺銀行入面嘅farewell party開唔停，佢話唔同部門、唔同日子、唔同模式都有，不過「一切從簡喇」。
今年60歲嘅Andrew，2006年加入恒生銀行，至今超過10年，Andrew話臨別一周，當然對同事依依不捨，但每個人總會有呢一日到臨，相信會同好多同事保持聯絡。
至於以後會向邊個方向發展，佢坦言「未有」，篤信佛教嘅佢，話一切隨緣。佢覺得自己職業生涯係好幸運。睇番佢當年喺港大英國文學及翻譯系畢業，愛讀南宋劉義慶《世說新語》，沉迷英國詩人John Keats嘅詩，工作竟然係睇數嘅banker，確實係幾有趣。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk