大家小時候嘅我的志願，會唔會係做醫生？位於黃竹坑嘅港怡醫院別開生面舉辦名為「Doctor for a Day」活動，畀4至9歲嘅小朋友喺啱啱過咗嘅周末周日，於60分鐘嘅工作坊扮演醫護人員，甚至實習6種唔同嘅醫護場景，例如基本人體結構、急症室、X光診斷、手術室、冠狀動脈介入手術（俗稱「通波仔」）同物理治療；港怡嘅心臟科同骨科醫生、護士同物理治療師等化身導師，陪住小醫生「實習」。
港怡話，希望藉此活動啟發小朋友認識唔同嘅醫護工作，並教導佢哋基本嘅護理概念，增加佢哋對不同醫護工作嘅關注，據知活動反應好熱烈，多達9,000名小朋友報名，經抽籤後約有430位小醫生登場，唔知當中幾多人將來大個咗，會投身醫護團隊呢？
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk