在娛樂圈生存關係很重要，李克勤以前被指是「無綫契仔」，他卻說：「契仔即係唔係親生，我同所有歌手一樣，都係簽嗰份奀滋滋嘅一千幾百元合約，80年代尾我拍好多劇《浪族闊少爺》、《淘氣雙子星》，識咗好多戲劇、綜藝科，收工就去卡拉OK飲嘢吹水，隔咗十幾年後佢哋變晒高層，直接搵我做嘢。」
商台唔適合
克勤續說：「我又好明白TVB玩法，買燒肉要搭嚿骨，上節目宣傳歌，都要做番一嚿TVB覺得有收視嘅嘢。」
跟無綫關係好，卻似乎不是商台那杯茶，克勤說：「我同商台冇任何恩怨，只不過每個台都有佢喜好，當然咁大嘅台有權選擇佢哋要播嘅音樂，一直以嚟，李克勤嘅音樂可能未必係佢哋成日播嘅圓圈裏面，以前我會有少少呢啲感覺，佢哋鍾意啲時下有型啲、潮流啲嘅歌手，其實我同商台好多人都friend，只不過903係年輕人嘅電台，我可能未必適合，但近呢幾年佢播好多我嘅歌。」
