韓國人氣劇《鬼怪》男星孔劉因為劇集帶挈而成為新一代男神，早前有網民仲發現世界上另一個孔劉。
當中有網民就喺菲律賓嘅肯德基(KFC)捕獲一位神似孔劉嘅菲律賓店員，呢位店員同正版孔劉有八成相似，特別似足孔劉年輕時嘅樣子。
由於有網民將呢位菲律賓版孔劉嘅照片放上網，同時亦引來各地傳媒報道，所以當地嘅KFC都好即刻抽水，立即叫呢位菲律賓孔劉做代言人，並做埋菲律賓KFC嘅生招牌。最搞笑係呢位菲律賓版孔劉立即「鬼怪」上身，仲跟足正版《鬼怪》海報擺甫士，當中仲抄足金高恩挨住孔劉膊頭嘅海報，不過菲律賓版就着住KFC制服，並變身做孔劉搵「鬼怪新娘」。