保安局局長黎棟國（圖）7.1後卸任，逍遙自在享受退休生活，以後特區嘅保安大任嘞喎，就交由即將升呢做局長嘅李家超去煩咯！黎棟國噚日接受電台訪問，回顧任內感受，坦言對警務人員因為處理佔中同旺角衝突而被叫「黑警」好痛心，指同事都係盡心職守，佔中期間如果佢無記錯，受傷最嚴重嘅係警務人員。
佢自稱過去曾以「洪荒之力」，處理香港特區護照嘅免簽工作，對於𠵱家有多達158個國家或地區畀特區護照免簽，感到好安慰同開心。
近年港人關注係咪有內地人員跨境執法，黎話《基本法》規定只有香港特區嘅執法機關根據法律喺香港授權執法，坦承最近發生嘅事令市民有疑問，但強調無論警察或其他執法機關，包括內地執法機關，對此都v好了解，仲話坊間傳說如果冇證據，就只係傳聞喎。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk