每間酒店都有以下崗位：前台、房務、餐飲、禮賓等等，但應該只有荷蘭conservatorium酒店有一個咁特別的職位——創意經理（Creative Manager）。
話說早前入住時，經常看見有位女士在大堂巡視，裝束明明不像「食蕉」，細問之下，才知Beatrijs Aghina是酒店御用的創意經理，專門確保酒店上下忠於設計師Piero Lissoni的原著。即係點？就係每日巡邏酒店八至十次，確保被客人移動過的家具擺設回歸原地，幫酒店做採購和負責場地設計，也試過有客人想買走酒店擺設，她便要充當顧問和代購，聽落都幾疏肝。咁做到呢份工要有乜來頭？Beatrijs表示自己無任何設計背景，之前喺米蘭負責打理餐廳，有一定品味修養。似乎除了和設計師一樣係意大利人，都睇唔到有其他關聯，不過點都好，證明酒店對設計和美學非常執着，這些機會點睇都好難係香港出現。
記者：陶思敏
攝影：潘志恆
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily