張敏皈依我佛後，整個人有很大改變，完全把明星身段放下，反璞歸真做個普通人，經常去內地窮鄉僻壤做義工，現時簡直是過着不食人間煙火的生活，又經常相約志同道合者周遊列國去聽法會，她也是因聽法會而邂逅了師兄梵發展新戀情。最近看張敏微信朋友圈，發現她放了不少在西藏旅遊照片，還爆出深夜開車去另一個城市時，中途發生爆胎事件。
村長招呼
昨日張敏接受電話訪問，指自己很喜歡西藏這地方，所以沒事做，經常會去西藏旅遊，她說：「我好鍾意西藏天空，特別藍，風景又靚，所以除咗聽法會外，我都會趁機去觀光，噚日我哋開車去到一個村莊，村長招呼我哋喺屋企食飯，食嘅全部係家常農村菜，好清甜新鮮，平時喺城市真係好少可以食到呢啲農村菜，好感激村長熱情招呼。」
談到今次去西藏目的，張敏說：「主要係法會，同行仲有幾位朋友，點知噚晚架車行行吓爆胎，所以咪要停低換胎囉。因為大家坐咗喺架車度成十個鐘，咁趁機換胎，大家咪落車休息吓，兩個鐘後先繼續行程。今日我哋要去亞青寺，聽日一早會有法會聽。」
生活無憂
張敏已經淡出娛樂圈近二十二年，到底她何以維生，原來她早年在香港和內地拍戲儲了一些錢去投資買物業，後來物業升值她總算賺到一筆，現在過的生活很淡，所以花不了太多錢。張敏表示：「好似我飛去西藏後，全程自駕遊，唔會使到乜嘢錢，食住都係好簡單。」
採訪：鍾國仁
