【本報訊】萬宜水庫的興建，讓當年爛泥灣村及沙咀村永遠沉於水底，留下的只有一段段從沒以文字記錄的歷史。年過九旬的陳木勝是爛泥灣村的原居民，年輕時為了生計離港打工，卻從未忘記香港的生活，退休後回港歸根，希望故鄉能在後人心中留下印記。
孫兒對家鄉沒記憶
今年92歲的陳木勝在爛泥灣村出世、成長，形容自己是「正正式式嘅鄉下仔」，在三十幾歲時，他離開妻兒，到英國倫敦工作賺錢，轉輾去到利物浦及曼徹斯特，過着打工生活，「嗰啲鬼頭成日都唔出糧畀我哋」。後來總算守得雲開見月明，他終於儲到足夠的資金做生意，「我同人夾份開咗間中菜館，之後就返嚟香港搞生意，返到嚟之後，都覺得西貢變咗好多」。
他形容舊屋在當年「係最靚嗰幾間，有兩層」，但孫子孫女對沉在水中的家鄉已經沒有記憶，亦不願學習客家話，「佢哋唔知，但有時我會指住舊相同佢哋講，呢到係我哋嘅舊屋」。現時陳伯的獨子已移居新加坡，但他仍回港退休，全因對香港有份情，「話晒我都係香港人」！
■記者袁嘉詠
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk