贏盡世盃、歐國盃、西甲、歐聯，艾比路亞總算無憾退役！呢位曾效力皇馬、利記等嘅34歲西班牙右閘，上季喺韋斯咸各項賽事只上陣四次，季尾仲被放棄，佢近日接受西班牙《馬卡報》訪問嗰陣宣佈掛靴：「雖然我嘅體能仍然能夠作賽，但係時候講再見啦！」雖然掛靴後方向未定，但佢就表示樂意重返皇馬擔任一官半職。