法國八卦雜誌《Voici》上周五報道，效力西甲西維爾嘅法國後衞阿爾拉米，最近搭上咗美劇《沙灘拯救隊》元祖女星、人稱「拉姑」嘅美國巨胸彭美拉安德遜（Pamela Anderson）。31歲嘅拉米雖然據報已婚，但自從識咗喺嚟緊七月一日就50歲生日嘅拉姑後，就俾呢名金髮熟女深深吸引，二人近日更被拍到喺尼斯拍拖兼撐枱腳。