周日(25日)沙田賽事，葉楚航馬房有兩駒交予十三少韋達執韁，分別是「盛勢」及「贏馬神器」。
今朝這對騎練組合有搏殺動靜，韋達分別替上述兩匹戰馬快跳，走來俱輕鬆有勁，期間葉楚航在烽火台用望遠鏡，金睛火眼吼實馬兒出跳過程，而操完韋達亦第一時間去搵葉楚航，匯報馬兒進度，兩人傾咗好耐，遲遲才散去，明顯對兩駒今戰相當重視。
第二場四班1000米之「贏馬神器」，暫時6戰未上過名，但記得初出評52分，跑同程直路賽，出閘緩慢亦只輸3.5馬位，直至今次才第二次跑直路賽，但評分卻已減至43分，加上本月曾由韋達試閘得季軍，備戰有誠意，當然有威脅力。
至於第一場五班1400米之灰馬「盛勢」，曾經在三班上名，前仗仍於四班跑第四，近況唔差，四歲馬今次初落五班上陣，級數肯定佔先，出王牌報名應是馬房出擊重心所在。