政府噚日下晝喺保皇派議員力撐下，終於通過被泛民稱為大白象工程的啟德體育園撥款。事後主事嘅民政事務局局長劉江華，以及民政事務局常任秘書長馮程淑儀勁開心，同罕有「重返」立法會的前立法會議員、港協暨奧委會主席霍震霆，以及多名體育界代表握手。
會上頻頻為撥款解畫的馮程淑儀，俾體育界代表問到嚟緊有冇假放時，只苦笑說：「冇呀，做埋下個禮拜先啦。」劉江華就讚馮程淑儀好勤力，「佢就（返工）24個鐘，我就12個鐘頭，哈哈哈！」
馮程淑儀聽到劉江華咁講，都搞笑改口話嚟緊要攞病假唞唞，仲話：「真係要sick leave啊！工傷啊！」
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk