碧咸42歲依然咁型，舉手投足都係焦點，周四就同14歲二仔Romeo去咗睇皇后會盃網賽，兩父子selfie，睇嚟相當享受。呢個賽事今屆大吹冷風，梅禮等名將出晒局，邊場戲碼得到「萬人迷」賞識？係兩位非種籽球手！結果美國嘅基利贏盤數2:1，同狄美托夫、貝迪治等齊齊入八強（now636台今日8:30pm直播）。同日哈雷網賽，錦織圭喺16強第一盤就因傷退賽，而費達拿就順利闖關（now635台今日7:00pm直播）。