講到「寶芝林」呢個寶號，好自然會諗起清末民初黃飛鴻嘅醫館，但原來𠵱家仲有「寶芝林」㗎，仲諗住上市㖭！
之不過呢間「寶芝林」，就唔係由黃師傅後人經營嘅，係由多次飾演黃飛鴻嘅藝人關德興，喺70年代以「寶芝林」為名喺香港開嘅，主要係賣藥同涼茶。2004年關德興後人將業務改組，擴展到影視同健康產品等，最近更話考慮緊上市㖭！
關德興新抱、集團榮譽主席丁丁噚日就話，有機會明年申請上市，不過就未定地點囉。寶芝林官網講，關德興生前一心想將「寶芝林」打造成世界知名品牌，佢哋已喺中港註冊咗商標，唔驚被人話係老翻。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk