【本報訊】環保回收是造福下一代的事，與老闆阿成並肩作戰的12名員工可謂「環保大軍」，當中曾在德國生活的Michael（圖）年紀最大，這位前酒樓老闆多年前退休回港，豈料走出酒樓熱廚房，卻走進更熱的回收工場，他指與德比較本港環保發展大落後，他呼籲政府向環保業界提供足夠援助。
55歲的Michael自小移民英國，其後於德國生活30多年，經營中式酒家，「我喺德國嘅酒樓會將廚餘交畀農場做飼料、肥料，香港？冇囉」。多年前退休回港，得知阿成搞回收飯盒生意，覺得有意義便應徵，現已是最資深員工。
「成日講堆填區飽和，起焚化爐又俾人反對，我哋微不足道，做得幾多就幾多啦！」Michael對本港環保困局感到無奈，指阿成「真係放咗好多心機，但冇錢賺」。
Michael每日與老闆工友在臭氣熏天的廚餘中翻來挑去，工作環境惡劣，日薪僅800元，員工流失率極高，「試過有人望咗幾眼，話份工唔岩佢，又有好多人做咗幾日就唔返」。前景暗淡，他希望老闆能夠撐下去。
■記者潘婉玲
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk