下屆政府嘅政策局首長塵埃落定。雖然候任問責團隊嘅司局長只係得陳肇始一位女性，但原來掌管食物同衞生範疇嘅領導層，由食衞局長數到食環署署長，幾乎係「清一色」由女性統領，只係得漁護署長由男性出任，認真係巾幗不讓鬚眉。
睇番食物及衞生局同相關部門，候任6位「領導人」有5位都係女性，包括食衞局嘅局長陳肇始、兩位常秘謝凌潔貞同埋新加入嘅謝曼怡，分別睇實食物同衞生兩大範疇；仲有衞生署署長陳漢儀，同食環署署長劉利群兩位女署長。漁護署長梁肇輝博士就成為唯一「男領導」。不過，問責團隊嘅副局長同政助都未公佈人選，會唔會係男性呢？八方日前問候任局長陳肇始，副局長會唔係男醫生，坊間盛傳噃？佢話哈哈……如果一落實人選，一定盡快公佈喎。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk