一講起美國保險商大都會人壽（MetLife），唔少人即刻諗起佢哋代言人Snoopy。但其實，自舊年起，MetLife已經因為業務轉型，同合作咗30年嘅Snoopy講拜拜，香港呢邊最新嘅推廣活動，亦唔玩代言人，sell本土㖭。
MetLife原來有149年歷史，將有一連串以「#愛香港149個理由」為題嘅推廣活動。不過要諗149個理由都好難箒，所以，MetLife暫時只係設計咗9款t-shirt，希望跟住一路加到去149款。
睇番設計，都算幾過癮，好似有菠蘿包、燒賣點心、搶包山嘅平安包等等，仲有香港人無論幾多度都鍾意着嘅羽絨，算係幾貼地。
香港CEO胡得力（Lee Wood）雖然係外國人，但喺台灣工作多年，以前成日掃夜市。佢話要了解香港嘅話，一定要食晒t-shirt上印住嘅香港特產。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk