即將離任嘅發展局長馬紹祥（Eric）噚日同傳媒茶敍，佢承認候任特首林鄭月娥曾經同佢傾過留任問題，但佢最終因為私人理由決定離任，希望有多啲私人空間，又話上任前就知個廚房好熱吓，工作壓力好大，但就無悔加入熱廚房。
有傳佢會加入機管局，Eric話機管局冇搵佢，仲話唔知係咪有人知佢好鍾意飛機先咁講。原來Eric唔止係飛機迷，仲算得上係「鐵膠」，對鐵路同火車都好有興趣，但佢話到𠵱家都冇任何offer，嚟緊會去溫哥華同冰島等地旅行relax吓。
至於未來，佢話長遠唔排除做番顧問老本行，但唔會斷言一定唔會從商或返政府做。講到佢任內俾長毛梁國雄搶文件，他話自己都算處變不驚，冇同對方鬥搶，因為自己係文弱書生，而事後報警就因為唔想外界認為佢哋會容忍呢類不文明行為。發展局政助馮英倫都被問及會唔會留任，佢話要等正式公佈，自己就傾向繼續留任。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk