禮拜日（25日）為沙田八草兩泥賽事，草地用全闊A欄，季尾階段場地偏差嚴重，內叠前置馬佔盡優勢，以最近5月28日同一移欄為例，當日共有七匹頭馬守前三位入直路建功，其中「綠色勁駒」、「劍斷浪」、「永旺年年」及「獅子驄」更加擺前帶到，具前速之馬匹仍要優先留意。
今戰列陣馬中，出戰尾場三班1400米的「福愛寶」上仗正是於5月28日田A欄勝出，亦係全場唯一贏過A欄之參戰馬，等番同一移欄再跑可再贏。
另外，角逐七場精英盃1400米「勝得威」跑A欄1400米一次即勝，近兩仗均一放到底，藉形勢之利可故技重施。
至於兩場泥地路程皆為1200米，最近6月11的三場同程賽事，分別有「大收成」及「盈利駿馬」一放到底勝出，所以跑第五場「飛霞」及第九場「歡樂一生」等擅跑泥地之前置馬咪睇小。