香港管理專業協會噚日舉行講座，邀請各界人士講直播潮同市場營銷嘅關係，facebook亞太區The Client Solutions Manager（Tech & Telco）陳日妍話，直播係達到營銷目的嘅計劃之一，做之前要諗清楚點可以吸到觀眾參與，同埋事件係咪啱做直播，「Live係冇take two，所以需要好多嘅準備，內容一定要諗好先可以流暢咁做」。
佢話每10個fb用戶，9個都會睇live，覆蓋率好高，未來會加入新元素，例如一路直播一路籌款，或者主播邀請觀眾對話等。Yahoo就大搞新意思，開咗個新電視台叫「速食電視」，主打直播港超聯同學界精英比賽；騰訊搞嘅本地直播app就喺6月搞「鑽石紅人榜」，睇吓邊個主播可以喺粉絲手中收到最多鑽石。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk