現時減十磅見習生就只得火車潘潘明輝，而喺昨晚（21日）谷草之戰，佢未有頭馬進賬，出道至今嘅長勝紀錄終於斷纜。
小潘個心肯定唔多順氣，因為佢搏足全晚，足足跑咗三個亞軍返嚟，相當冇運。相信呢位十磅仔今期戰意實爆棚，想喺周日（25日）之戰整個鯉魚翻身，喺有座騎嘅八場賽事入面，連番數糊。
其中，小潘今朝（22日）就幫大摩馬房騎出戰第八場三班1600米嘅「美麗寶寶」試一課草地快跳，大摩試前試後都畀足指示，並與潘明輝一齊睇馬狀態，教晒路點騎。
新勝馬「美麗寶寶」季內已取四W，演出神勇，今仗用潘明輝有減磅之利，更抽到對前置馬有利嘅2檔，值得一追再追。