新一屆行會成員舊面孔都唔少，但都有政黨代表換咗新人，例如工聯會元老鄭耀棠就喺董、曾、梁三任特首後退下行會火線，由立法會議員黃國健接任。曾經為林鄭助選嘅民建聯副主席張國鈞亦加盟，以42歲之齡成為今屆行會最年輕成員。呢兩位行會新丁噚日升呢後即刻喺立法會排排坐密密傾。
鄭耀棠退下火線，令唔少政界中人幾意外，皆因棠哥對政事仲「相當熱心」，今次願意交棒，唔知係咪有大禮在後頭？據聞留任嘅民建聯元老葉國謙同林鄭私交甚篤，非根正苗紅嘅林鄭確實須資深左派引吓路，葉國謙留任梗有作用，箍票大任就交畀張國鈞嘞！
黃耀興攝
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk