睇新聞隔日就有交通意外，有啲車仲會失控衝上行人路，呢一刻，如果你企喺行人路，你會唔會搵行人路欄杆幫手擋擋呢？香港職業安全健康聯會成員會之一的安全健康師學會（ISHP）主席馮穎匡博士（Ivan）話：「唔應該搵行人路欄杆擋，應該因應架車衝嚟嘅方向再向左或右邊走，因為欄杆設計只係引導行人過馬路同指示嗰個位置可唔可以走出路面。大部份行人路欄杆嘅防撞能力，連最低級別嘅資格都無，搵欄杆擋隨時更傷，外國有試過因為欄杆設計或者不幸衝撞力太大，車撞斷欄杆，鐵枝插入人體致命，我認為應該去附近嘅大石柱或石牆避一避。」根據運輸署回覆，行人路欄杆不是防撞欄，功能主要是控制人流，或者因為行人路與車路的路面高低差距較大，藉以提醒行人，除非一些危險性較大的路面，例如行人路旁是河流，才會用有防撞能力的欄杆。
現時全港公共行人路欄杆合共長約1,400公里，以一個100米長標準足球場來計，即約有14,000個足球場那麼長。至於欄杆款式，亦會與時並進，現在最常見的是垂直式欄杆，稱為第二型欄杆，裝嵌維修較方便，保護性及彈性較大，但Ivan強調它沒有防撞能力，「這款式主要是引導行人過馬路及不讓物件跌出路面，影響道路使用者安全，如突然有小朋友衝出馬路，或手推車仔有物件跌出路面等等。」大家又有否留意臨近行人過馬路範圍或馬路轉彎位置，就會轉用橫向四條式欄杆輔助？因為這可令司機較易看穿行人路，判斷路面狀況是否安全。Ivan：「所以有時見這些欄杆掛了宣傳橫額，這是十分不應該的，當車輛轉彎時看不清楚下方，阻擋了可視角度，司機駕駛時易生意外。」至於倒U形及圓柱式欄杆，只是防止車輛泊上行人路，多數出現車流較多或附近有停車場的馬路。
記者：許維雅
攝影：伍慶泉、黃子偉
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily