【Aiwa復活】主打平價 秋天出新電視及音響產品

【Aiwa復活】主打平價 秋天出新電視及音響產品

相信唔少朋友都曾經用過Aiwa(愛華)的音響產品,當年的卡式機、CD播放機同迷你HiFi都有唔錯評價,不過自2002年被Sony收購後,品牌好快就做唔住,2005年停止開發新產品,到2008年Aiwa這個品牌更正式被除名。

事隔十年後,終有白武士出手打救,日本十和田Audio在今年年初取得Aiwa品牌使用權,4月成立Aiwa株式會社,剛剛宣佈會在今年秋天再次推出Aiwa牌子影音產品,對象是日本國內用家。首階段Aiwa復活計劃公佈的新產品種類相當多,例如有DAP音樂播放器、藍牙喇叭、CD收音機、CD卡式機及黑膠唱盤,令人意想不到竟然會出埋4K電視,暫定會推出24吋、32吋、43吋、49吋及55吋共5種尺寸,並會以平價策略出擊,如DAP音樂播放器預計定價只是19,800日圓(約$1,385),而55吋4K電視亦預計只賣138,000日圓(約$9,655)。不過大家都應該估到,價錢做得咁低都不會是「Made in Japan」,廠方表明會跟中國代工工廠合作生產,唔知可唔可以殺出一條新血路呢?

Aiwa亦會染指4K電視產品,機身設計雖無特色,但強調音效表現。

品牌亦會推出黑膠唱盤,內置藍牙,可對應MP3播放及錄音功能。

資料來源:AV Watch

記者:布偉倫

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily