網友隨家燕姐一齊起哄，指九歲小妹妹的爸爸，處心積慮把女兒推去「全美一叮」亮相，好父憑女貴，擺明當個女是搖錢樹。
噢，把女兒當人偶擺佈，最出名的，未輪到這位譚先生。等住搬出上亞厘畢道那一位，鼻孔朝天哼了柒聲說：「我個女又靚又正（不是吳克儉口中大讚日本咖喱豬扒那種靚正！），偏偏無人斟佢上什麼一叮，擺明是受到傳媒不公平對待，過去五年，專挖她的衰嘢，拍下她失儀失態瘀到爆的照片，害佢無辦法圓明星夢！」
老婆這時忍唔住加把嘴：「最憎學者唔係太梁粉，腰心腰肺，好彩下個月你返新工，阿女有國家照住，肯定直入影視圈，中國咁大，一定有神州一叮，大灣區一叮，甚至一帶一路一叮！阿女內定入圍，贏人六、八或者九條街！」
「我盯到實，吼準機會，介紹兩個女俾權力核心，如果做埋親家，後台穩陣過港珠澳橋！想查我五千萬單嘢？第柒世先啦！假如領導人睇中你，咁大機遇，老婆，點可以say no，方方面面，我會幫你翻叮！」