保羅普巴以8,900萬鎊破世界紀錄轉會費加盟曼聯，經理人拉奧拿袋唔少就梗㗎嘞，但今年五月德國《明鏡周刊》記者出咗本書叫《足球解密：骯髒的足球商業》，入面大爆拉奧拿原來賺咗成4,100萬鎊，即係差唔多一半轉會費，而且呢單交易仲懷疑涉及球員「第三方擁有權」，國際足協已經展開調查，更對祖雲達斯展開紀律訴訟，不過畀錢嘅曼聯就冇事。
