剛戰贏4場一吐烏氣的蘇保羅馬房，在快活谷今晚（21日）又有頭馬進賬，旗下馬「勇冠王」由雷神莫雷拉攻下第六場四班一哩，單Win及組合獨贏A1分別派59及21元。
呢場三T大彩池尾關賽事，潘頓騎大熱門「獻惑」繼前仗後再次大熱倒灶，相反雷神連續第二次騎「勇冠王」卻交足功課，沿途守第八位，這匹經常嚴重內閃之馬今次被雷神馴服，半條直路後上如入無人之境，贏2.5馬位，令「勇冠王」首勝谷草，雷神本身連同第三場贏蔡約翰的「勁皇子」，成為今晚首位起孖騎師。
蘇保羅表示「勇冠王」非常難駕馭，很難穩定走勢，需要硬功大師傅協助，才可以發揮出水準。莫雷拉上場初騎後肯繼續執韁，反映馬兒有勝望，果然今場發揮得很好，加上步速扯得快，對「勇冠王」後上非常有利，人馬發揮值得一讚。
見習騎師潘明輝今場騎前置的「盈豐駿駒」，臨尾幾十米頂唔住「勇冠王」只得第二，暫時潘明輝今晚累積三度入Q仲未有馬贏。
第六場三、四名分別為「隨時候命」及「滿載而來」，四重彩派三萬元多啲，三T有人中正獎，每注派300萬左右。
此場有意外事件，26倍之「善財到」早段疑似跛腳遭麥偉利拉停，而杜利萊5.9倍之「精算追擊」本守在前列，但直路亦看似不妥，急劇收慢半拉停大包尾輸27.5馬位。