阿仙奴2018年有包括阿歷斯山齊士同奧斯爾等成班一隊主力完約，如果今季內傾唔掂數，阿仙奴隨時人財兩失。《每日郵報》報道就話兵工廠驚下季又係咁，所以急急同2019年約滿嘅艾朗藍斯續約，仲用銀彈政策，將「死神」嘅周薪加到同「奧燒」、「山神」睇齊，即係大約14萬鎊。唔知同樣2019年約滿嘅韋碧克、禾確特同施治有冇流晒口水呢？