中國富豪多，已經唔係新聞，比較特別嘅，係招行（3968）同貝恩公司嘅調查報告發現，中國富豪諗起投資海外，比起兩年前少咗提及香港，咁...香港人咪就快有機會買樓囉！
《中國私人財富報告》話，舊年中國內地資產值超過1,000萬元人仔可投資額嘅高端富戶，由2006年得18萬人，10年間，增8倍至160萬人，不過高端富戶境外投資地區偏好今年有所轉變。
2015年嘅時候，問內地富豪境外投資落腳地會諗起邊到？有七成富戶會提及香港，但今年跌到得五成，雖然仍然係首選，但佢哋會多咗考慮其他國家，包括澳洲、加拿大、新加坡、英國、法國、盧森堡。
報告訪問咗3,300人，涵蓋44個內地城市，都真係值得參考。等緊樓價跌嘅香港人見到呢個報告應該內心歡呼，希望內地人再去遠啲買樓喇。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk