「席席bird極」、「壓力箍」同「All you get」，如果係一代game迷相信齋睇字已經聽到聲。想當年因為電子硬件發音所限，原本氣勢十足嘅招式名變到如此滑稽，如今居然成為一眾打機麻甩佬對經典日本電子格鬥遊戲《Street Fighter》（街頭霸王）嘅集體回憶。
噚日喺尖沙嘴鐘樓同天星碼頭，居然出現阿隆、阿Ken同春麗3個熟悉身影，佢哋仲帶埋《街霸5》新角色Kolin齊齊亮相。原來係趁今年街霸系列面世30周年訪港，今個星期六、日下晝會喺銅鑼灣同旺角行人專用區搞見面會，7月17日至8月31日喺新蒲崗Mikiki地下中庭仲有展覽睇，fans們記得去朝聖。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk