隔牆有耳:777班子加埋999歲 - 李八方

隔牆有耳:
777班子加埋999歲 - 李八方

林鄭新登場嘅班子,好多舊面孔,部份年紀亦唔細。八方做過統計,林鄭連同司局長總共17人,所有人嘅年齡全部超過50歲,其中7位更加達60歲或更高齡,17人總計,原來係有999歲。

平均老過上屆3歲

當中最年長嘅係是候任財經事務及庫務局局長劉怡翔,現為67歲,5年後就破七(70)達72歲。
政界一直熱傳,劉怡翔並唔係林鄭嘅財庫局局長首選,有花生友仲估緊,林鄭或者可能喺任期中段換人,而年紀較大嘅劉怡翔係「頂頭大熱」,希望注入新思維,前提當然係佢終於搵到人肯加盟,以及……現已60歲嘅林鄭會爭取連任喎!
最後生嘅則係候任政制及內地事務局局長聶德權,不過都已經52歲咯,總計今屆班子平均年齡58.7歲,整體平均年齡老過上屆各問責官員最初上任時3歲。

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk