華華 早前講過，「娛樂大亨」林建岳嘅「御廚」Umberto Bombana計劃自資喺中環開私房菜，聽講，佢間私房菜叫做「Octavium」，將於7月1日正式開業，同新一屆特區政府一齊新登場。
Octavium係意大利餐廳，但呢個名並非意大利文，而係拉丁文，解作第8，皆因餐廳設於中環華懋中心8樓，約2,500呎，只得8張枱；睇落真係好多8，最緊要都係以後做到發。
新餐廳只招呼熟客，街客冇得打電話去訂位，所以呢，呢排岳少個電話響唔停，除咗搵佢出席多個慶回歸嘅活動，應該仲有唔少人搵佢幫手訂枱喇。
華華同Bombana有一面之緣，即Like「蘋果ATM」fb專頁 http://fb.com/appledailyatm ，再私訊畀華華，可能幫到手㗎。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk