有建制背景嘅香港研究協會做嘅調查，都話市民對梁班子唔多滿意。佢哋喺本月9至15日訪問1,098名市民，對主要問責官員滿意度進行評分，1分為非常不滿意，5分為非常滿意，結果顯示司長評分最高嘅係政務司司長張建宗，有2.61分，其次係律政司司長袁國強，有2.36分，最低分係財政司司長陳茂波，只得2.09分，佢前任、即係曾俊華做財爺時最後一次評分都有3.47分。
局長方面最高分係食物及衞生局局長高永文，有3.46分，連續29次蟬聯榜首，評分最低嘅唔令意外，繼續係教育局局長吳克儉，只得1.77分，連續9次排榜尾，民政事務局局長劉江華則以2.04分排尾二。
八成高官從未達一般水平
綜合過去5年調查結果，三司十三局共16名問責官員，除咗民望高長期逾3分，張建宗同黎棟國試過一次獲3分以上，其餘八成、共13位問責官員從未達到3分嘅一般水平，反映大部份問責官員任內表現未如理想，而吳得掂、劉江華同陳茂波就長期霸住榜尾位置唔肯升呢。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk