香港青年聯會早前選出新一屆會董會成員，許晉亨外甥郭永亮（Andy）將於7.1出任青聯主席，接替即將卸任嘅吳傑莊。執位後現任副主席蔡德昇將會轉做常務副主席、秘書長柯家洋任副主席，而何廸夫就接任秘書長一職。
Andy噚日同一眾青聯兄弟會見傳媒，講吓嚟緊有咩工作大計，除咗慶回歸會搞幾場大型活動外，希望針對青年需要，將一啲活動或項目常規化。佢哋話至少有幾個新項目呢屆打算做，包括電競聯賽、運動會等，青聯仲同懲教署初步研究緊有冇合作空間，為釋囚提供協助，不過目前尚未敲定詳情。
佢哋最近就忙於處理慶回歸嘅連串活動，包括足球賽、安排各內地省市代表喺山頂植樹，以及6月30日晚喺紅館有個香港青年音樂節，請來中、港、台藝人擔任嘉賓。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk