近年新地（016）賣樓經常提供高成數按揭，當中有12種人被新地眷顧，可以申請或者擔保其他人做九成一按，至於普通人類就最盡只可能做到八成一按。
呢一班被選中嘅朋友，其中一種係打政府工，公務員總薪級點34點或者以上，而其餘嘅大體都係某啲註冊職業人士，例如話會計師、測量師、醫生之類，夾夾埋埋香港有約莫15萬人被新地睇成「人形鈔票」，相信佢哋只要肯買樓，就唔會供唔起樓。
金融界都有份喎，特許金融分析師（CFA）都包埋㗎，CFA咁吃香，難怪今年全球報考CFA總人數達18.9萬人，按年增加9%。不過諗真啲，CFA係一個專業投資從業員認證，有CFA嘅人，做分析員又得，做記者又得，做經紀都得，可以係好唔同嘅職業喎，新地點批核按揭呢？
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk