阿爺舊年向冇回鄉證嘅民主派人士「開綠燈」後，白鴿黨中常委、身兼支聯會常委嘅張文光，4月中亦成功更新過期回鄉證，上周五（16日）喺老婆陪同下，番咗去亡父家鄉台山遊歷，係張文光28年來首次用回鄉證返內地旅行。佢同八方講，今次出入境都好順利，同澳門趕佢走嘅情況好唔同，「最驚奇係返大陸仲容易返澳門」。
多年冇番鄉下嘅張文光話，返到台山先知原來有3條村都叫「大塘」，其間一度去錯咗，唔知點搵，最尾好彩，遇到幾個喺榕樹下傾偈嘅80、90歲婆婆，話以前識佢已離世嘅爹哋，仲帶張搵返現已棄置嘅祖屋，令佢一圓父母嘅遺願。
張話原本諗住當日去埋媽媽喺東莞嘅舊居，可惜當日突然落大雨又行雷，所以諗住遲啲先再去，不排除下月再起行。佢話嚟緊最想到東北三省睇吓日本侵略中國嘅遺蹟，因為最近睇緊相關歷史書，已讀得七七八八喎。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk