上周曼聯官方fb封面相忽然冇咗朗尼，唔少人都認為係佢脫「魔」嘅先兆，不過喺周一紅魔呢張着下季作客波衫嘅fb封面相又變番同五月嗰張一樣，都係有朗尼，似乎暗示「月巴」嚟緊呢季都會留隊。呢位紅魔隊長都好生性，據報周二已經到曼聯基地展開新一季練習，比其他隊友早足兩星期，睇吓領隊摩連奴會唔會被朗尼感動到嘞！
