恒基地產（012）大公子李家傑噚日出席騰訊（700）主辦嘅大灣區論壇，大呻網購搶走地產商嘅租金收入。
佢指，科技公司如BAT（百度、阿里巴巴、騰訊），主要收入靠廣告，地產商就要靠人流帶動租金收入，不過，家陣好多地理位置欠佳嘅商戶，改為網上購物，「所以BAT收嘅廣告費，其實就係我哋嘅租金。」佢仲預計「未來10年冇希望加租了」。
除咗冇得加租，李家傑又估計，科技進技，好多公司唔用office開會，將來office租金同樣受到影響，剩番住宅有得做。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk