利物浦拎到英超第四，下季可以出戰歐聯，領隊高路普近期都忙於擴軍，之前向意甲嘅羅馬提出以3,500萬鎊（約3.5億港元）收購25歲翼鋒穆罕默德沙拿，都傾得七七八八，只等沙拿到利物浦報到兼體測。不過呢位外號「埃及美斯」嘅國腳就正喺祖家，日前仲上載自己去金字塔嘅相，似乎對加盟紅軍就唔太心急。據報一切順利嘅話，沙拿最快周二就成為紅軍一員。