【本報訊】本港八大研究課程（Research Postgraduate）內地生多過本地生，九十後中大本地研究生鍾曉烽說：「喺香港做研究的確係難。」同輩對研究提不起勁，「香港人始終有語言、環境親近性，如果冇晒呢類有能力嘅（本地）老師做教研，咁20、30年後嘅香港高等教育，會變成點樣？」
欠政策配合 難留人才
香港學生從事研究越來越少，鍾曉烽認為跟社會文化有一定關係，「香港人讀書最緊要係求搵食，我覺得咁諗冇問題，（搵食）都係重要，但唔係我主要嘅考慮」，他說，從小到大無人鼓勵做研究，「直情呢樣嘢都唔會講，即使有人講、都係話好困難，傾向負面」。
攻讀研究院可獲每月約1.5萬元津貼（studentship），相對大學畢業生的薪金並不算高，鍾曉烽也有家累，他坦言：「我都要養父母、要畀家用，讀學士時都係借政府錢，我有學債㗎。」
鍾曉烽擔心本地學者逐漸減少，「如果太多內地人留低，會唔會又構成另一個問題呢？」他在學術圈內經常聽到其他國家便利研究的政策，例如一位菲律賓同學，在當地一間大學本身已經有教席，但來港攻讀博士需時3、4年，故院校讓他停薪留職，「呢啲係要大學或國家層面去做到，令到人就算去咗外地，都會返嚟、保住本身嘅人才」。
理工大學副校長（科研發展）衛炳江也指出，本港欠缺長遠的創科政策規劃，而且，大學教席一直飽和，難以吸納每年約2,000名畢業的研究生，「喺香港拎到一個PhD、一個MPhil你估咁易？尤其真係好叻嘅精英，但我哋留唔住呢啲人才」。
■記者周婷
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk