香港嘅年輕人，𠵱家面對嘅問題一籮籮，向上流空間窄咗、要上樓更加唔使望，但唔知點解即將卸任嘅特首梁振英，卻話好羨慕𠵱家嘅港青？唔通佢真係睇唔到港青面對嘅困局？
話說離任在即嘅梁振英，呢排除咗頻頻喺禮賓府搞告別會，同各界友好say goodbye（但當然係象徵式啦，貴為政協副主席嘅佢，話咗會繼續為港服務，即係大家日後仲會成日見到佢~），同時亦喺唔少中共喉舌亮相，大談任內自覺係豐功偉績，八方發現《人民日報》及其海外版專訪梁特嘅版本，有一句可圈可點，但未見其他官媒提及。
話說梁特專訪嘅文末提到，梁振英聲言好羨慕今時今日嘅香港青年，因佢哋嘅起點「比我們那個時代好」，又指自己「願意與香港任何一位年輕人」交換生命。
網民揶揄同UGL有關
翻查資料可見，佢早於前年底同本月初，都發表過類似言論，豪言「如果我今天係一個香港隨便一間中學嘅中學生，我可以有更大嘅發揮」。
事件引發網民熱議，唔少網民要將CY呢句扯至佢收澳洲公司UGL 5,000萬事件，叫大家諗諗交換身份對佢有乜好處呢？
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk