禮拜三（21日）谷草賽事採用C欄，呢條跑道無論掛乾地或軟地，一向都係前置馬天下。
以最近5月24日同一移欄為例，當晚所有頭馬均守前五位入直路建功，其中「紅旗飛將」、「八心之友」、「塑料喜」及「合作愉快」更加一放到底贏馬，可見放頭跑法威力非常大，具前速之馬匹必須優先留意。
今戰列陣馬中，角逐第2場五班1650米賽事的「紅旗飛將」（高伯新馬房）上仗正是於5月24日谷C欄快放贏馬，贏完等番同一移欄再跑，再強配十磅仔潘明輝，睇部署有心想添食。
另外，出戰第6場四班1650米的「獻惑」（告東尼馬房），兩次跑谷C欄獲一勝一位，亦是全場唯一贏過此移欄之參戰馬，憑較佳場地性能，夥拍旺到爆之潘頓值得睇好。