隔牆有耳:三個富爸爸幫仔女 買樓 鋪路 - 李八方

隔牆有耳:
三個富爸爸幫仔女 買樓 鋪路 - 李八方

家陣啲後生仔成日都笑人哋「成功靠父幹」,查實喺一班廿四孝老竇嘅立場,父幹絕對係一件理所當然嘅事。60年代白手興家創辦康泰旅遊嘅「旅遊教父」黃士心,近年已經將公司交晒畀大仔黃進達(Jason)打理。佢話以前行頭細生意易做,相反𠵱家搵錢艱難,都想為個仔打好基礎,「鋪咗條路,前面就唔會係荊棘滿途,有人同佢開山劈石好過乜都要佢自己經歷」。
同樣都係旅遊界翹楚嘅前旅議會主席胡兆英,近年亦都安排由加拿大回流嘅大仔胡景豪(Ronald)加入公司學做生意。佢認為有家庭背景的確係「贏在起跑線」,「有脈絡贏在起步線係好啲嘅,任何父母都係呢樣嘢,希望佢向上流行得舒服啲」。

黃士心(右)將公司交晒畀大仔黃進達打理。
李家皓駿

而針織公司南旋控股主席王庭聰嘅父愛就嚟得更直接,分別喺3個仔女結婚嘅時候送咗層樓做賀禮,認為𠵱家樓價高得離奇,「叫佢哋自己買樓結婚,我諗佢哋都唔使結嘞啩」。
不過黃士心同胡兆英都話,最緊要個仔肯努力夠刻苦,先做到好成績。

王庭聰喺3個仔女結婚時送樓做賀禮。

朱家駿攝

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk