【本報訊】為陪伴在新加坡讀書的女兒，Olivia於2005年時來新加坡工作，「覺得係時候要陪佢，當初放佢過嚟係教育較好，英文、中文都重要」。她指香港語言教育不足，而且小朋友讀書壓力太大，家長又緊張，「呢度好簡單，一定有學校收，唔使擔心，除非你去名校囉」。
Olivia女兒原本在新加坡讀小學、中學，現時於香港大學就讀，「（女兒）個基礎打得好好，但由於中文唔係幾好，講嘢都係有英文structure，而認識中國好緊要，同埋都要離開吓我獨立吓，所以都係畀佢捱吓，要令佢明白所有嘢唔係必然嘅」。
她形容當初送她來新加坡讀書，是因為教育制度良好，「未到填鴨式教育，但亦非如英國般free and easy，新加坡喺merge中間」。而家長亦未非如香港般高度競爭，「好多香港家長唔使18個月就拎齊好多cert，呢度輕鬆舒服啲」。
Olivia最初來新加坡居住時，坦言並不習慣，「食住嘢成頭汗，但老公教，要融入當地，實地去感受當地嘅文化」。原來天氣熱有好處，「買少好多衫，又唔使冬天衫，唔使打扮好多，唔使買好多名牌，裙褲、短褲，有時天氣係好熱，但返工係有冷氣、雨季天氣好涼，開個風扇就得」。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk