成日都話睇通告十分重要，除咗搵到投資靈感，仲可以長知識，知地理。好似噚日海昌海洋公園（2255）出通告，話同碧桂園（2007）合作，約以廿億元人仔，喺鄭州投到塊地，一邊發展住宅，另一邊做「鄭州海昌極地海洋公園」。
為解釋點解要投呢幅地，公司用咗兩大段講解鄭州有幾好，指「鄭州作為新晉定位的國家級中心城市、絲綢之路經濟帶重要節點城市和中原地區唯一的單核中心大城市，常住人口千萬級別以上，虹吸效應顯著。」
連近年流行嘅「絲綢之路經濟帶」都拉上了，跟住再講每年經濟增長如何、交通如何四通八達，「1.5小時交通圈內輻射人口約3億人」云云。華華認真讀了幾遍，果然係長知識了。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk