德國喺俄羅斯踢洲際國家盃，兩度因紀律問題被教練路維逐出隊嘅前鋒麥斯古斯（圖），就身在拉斯維加斯激戰德州話事啤世界巡迴賽，仲殺入決賽拎埋第四，贏到28,740美元（約22萬港元）獎金。呢位29歲雲達不來梅射手就話想掛靴後將興趣化成事業：「等我35、36歲嗰陣，會有更多時間鑽研啤牌，甚至可以展開另一段職業生涯。」